संगमनेर तालुक्यातील आंबी खालसा येथे शाळा सुटल्यावर घरी जाताना रस्त्यात सायकलवरून पडून १३ वर्षीय मुलीचा दुर्दैवी मृत्यू

संगमनेर प्रतिनीधी / गंगासागर पोकळे  : संगमनेर तालुक्यातील आंबी खालसा येथील भोर विद्यालयातून शाळा सुटल्यावर घरी जाताना रस्त्यात सायकल वरून पडून १३ वर्षीय मुलीचा अपघाती दुर्दैवी मृत्यू झाला. ही दुर्घटना बुधवारी सायंकाळी ५ वाजेच्या सुमारास घडली. सिद्धी सचिन भोर (रा. माळेगाव पठार, ता. संगमनेर) असे मृत विद्यार्थीनीचे नाव आहे. ती इयत्ता ६ वीमध्ये शिकत होती. तिच्या अकाली अपघाती मृत्यूने पठार भागावर शोककळा पसरली आहे. माळेगाव पठार गावचे माजी सरपंच बाबासाहेब भोर यांची ती नात तर शेतकरी सचिन भोर यांची ती कन्या होती.