राहुरी पोलीस स्टेशनचे पोलीस हवालदार विकास वैराळ यांची बेस्ट कॉप म्हणून  निवड

राहुरी प्रतिनिधी / ज्ञानेश्वर सुरशे : मा. मुख्यमंत्री सो, यांचे 100 दिवसांच्या कृती आराखडा उद्दिष्ट पूर्तीच्या अनुषंगाने पोलीस अधिकारी कर्मचारी यांची त्यांच्या कामातील प्रेरणा वाढवून सकारात्मक स्पर्धात्मक वातावरण तयार करण्याच्या दृष्टीने माननीय विशेष पोलीस महानिरीक्षक श्री दत्तात्रय कराळे साहेब, नाशिक परिक्षेत्र यांच्या संकल्पनेतून माननीय पोलीस अधीक्षक अहिल्यानगर श्री राकेश ओला साहेब, अप्पर पोलीस अधीक्षक श्री वैभव कलुबर्मे साहेब यांच्या मार्गदर्शनात उपविभागीय पोलिस अधिकारी श्री बसवराज शिवपूजेसाहेब यांनी केलेल्या मूल्यांकनात राहुरी पोलीस स्टेशनचे पोलीस हवालदार विकास वैराळ यांची राहुरी पोलीस स्टेशन कडील फेब्रुवारी 2025 चे बेस्ट कॉप म्हणून निवड केली.

पोलीस हवालदार विकास वैराळ यांनी फेब्रुवारी 2025 या महिन्यांमध्ये भाग 1 ते 5 चे 10 गुन्हे ,भाग 6 चे 03 गुन्हे , दारूबंदी चे 08 गुन्हे , अकस्मात मृत्यू चे 07 प्रकरणे असे एकूण 28 प्रकरणांची निर्गती केलेली आहे. त्यामुळे त्यांची राहुरी पोलीस स्टेशन कडील फेब्रुवारी 2025 महिन्यातील बेस्ट कॉप म्हणून निवड करण्यात आली असून त्यांचा माननीय उपविभागीय पोलिस अधिकारी श्री बसवराज शिवपुजे साहेब यांनी श्रीरामपूर येथे आयोजित क्राईम मीटिंग दरम्यान सन्मान केला व शुभेच्छा दिल्या.

सदर बेस्ट कॉप ऑफ दिमांत निवडीनंतर राहुरी पोलीस स्टेशनचे पोलीस निरीक्षक संजय ठेंगे यांनी राहुरी पोलीस स्टेशन येथील अधिकारी अमलदार यांची मीटिंग घेऊन त्या मीटिंग दरम्यान अशाच प्रकारे दर महिन्याला पोलीस स्टेशन स्तरावर “बेस्ट कॉप” ची निवड होणार असल्याने इतरही अधिकारी अमलदार यांनी अशाच प्रकारची भरीव कामगिरी करून पोलीस दलाची शोभा वाढवावी अशा शुभेच्छा दिल्या. बेस्ट कॉप अवॉर्ड मिळाल्याने राहुरी पोलीस स्टेशन कडील इतर अधिकारी अंमलदार यांनी पोलीस हवालदार विकास वैराळ यांना भरभरून शुभेच्छा दिल्या.